『順眼』台語按怎講？
『順眼』tsit 个詞台語應該按怎講 khah 好勢咧？當然，現代人「sūn-gán」uân-nā 讀甲慣勢慣勢矣，毋過咱若去 píng 過去 ê 字典就 ē 知影，古早時恐驚是無 tsit 个講法。按呢台語自底有啥乜仝款意思 ê 詞彙咧？
咱凡勢 ē-tàng 講「佮目 kah-ba̍k」。咱若去 píng 台日大辭典，「合目 kah-ba̍k」是佮意 ê 意思。閣參考教育部台語字典，看袂著「佮目」，毋過揣 ē 著「佮喙」，解說是食起來口味有合。仝一个道理，「佮目」咱差不多 ē-tàng 想做是看著口味有合。